جبران باسيل بذكرى 7 آب: “التيار” سيستمر في النضال

لفت رئيس “التيار الوطني الحر “النائب جبران باسيل إلى أن ” 7 آب هو النهار يلّي توقّفنا فيه لأننا كنا عم نطالب بحرية وسيادة واستقلال لبنان، واتُّهمنا فيه اننا عملاء اسرائيل!”.

وكتب عبر تويتر: “7 آب هو نهار منتطلّع فيه لورا بكلّ فخر واعتزاز، وهو نهار منتطلّع فيه لقدّام بأمل ليتعلّموا شبابنا شو معناه”.

وتابع: “ليتعلّموا انو ما في ظلم بيدوم، وما في حق الاّ ما بيرجع وبينتصر، وانّو الظلم والتنمّر يلّي تعرّض له تيارنا عم يزول (وخاصةً بموضوع الفساد)، وانّو الايمان بالقضية والثبات بالتيار والوطن بيخلّونا ننتصر، ونفكّك منظومة الفساد تباعاً بعد سقوط ركنها المالي… شو كانت حلوة هيديك الايّام بنضالها ونقاوتها…”.

وقال: “كلّ عمري قول: القعدة على كرسي الحكم اصعب بكتير من القعدة بسجن الظلم!”.

وشدد على أن “التيار وين ما قعد ووين ما كان، رح يستمرّ بنضال 7 آب هو العنوان، ليكون في دولة بلبنان”.