اكدت الفنانة المصرية شيرين عبد الوهاب انها شعرت بخوف كبير قبل بدء حفلها الأخير في الكويت.
وقالت شيرين، في اول تعليق لها على الحفل، خلال مداخلة هاتفية مع الإعلامي عمرو أديب عبر برنامجه “الحكاية”: “مكنتش حاسه غير بخوف شديد جدا وقلقانة، بس كنت حاسه أن مستنيني جمهور ذواق أهلنا في الكويت ناس كرام وبيعزوني جدا”.
وتابعت: “مكنتش فاكرة أني وحشاهم أوي كده، الحمد لله انبسطنا وغنيت حلو وشفتهم، ونزلت شغلي وزي ما وعدتك آخر مرة، أني بحضر حاجات حلوة تسعد الناس والحفلة دي أولها”.
واضافت: “امبارح كنت بغني من طبقات عمري ما غنيت منها قبل كده، صوتي كان مفتوح أوي، انبسطت جدا، في حد يغني قدام جمهور بيفهم وذواق وبيقدر الفن، وكمان في وجود جمهور كبير وواحشني وأبقى مش سعيدة”.
