عبّرت الفنانة يسرا عن سعادتها الكبيرة بتكريمها من الدولة الفرنسية ومنحها وسام فارس من جوقة الشرف، معتبرة أن التكريم يمثل تقديرًا لمسيرتها الطويلة في عالم الفن، ووسامًا على صدر السينما المصرية.
وقالت يسرا في تصريحاتها على هامش حفل افتتاح الدورة الـ46 من مهرجان القاهرة: أنا فرحانة جدًا بوسام فارس من فرنسا، وإنهم فكروا فيّ. أهديت الوسام لمصر، ولزوجي، وأمي، وأصحابي اللي وقفوا جنبي وتركوا بصمة في حياتي”.
وأضافت يسرا بابتسامة تعكس امتنانها: الوسام ده مش ليا لوحدي، هو لكل الناس اللي حبتني وساعدتني على مدار مشواري”.
وتابعت قائلة: بالنسبة لي 50 سنة عدوا بسرعة جدًا، بالحلو والمر، بالنجاح والفشل، كل لحظة فيهم كانت بتعلّمني حاجة. النجاح لحظة مبتتقدرش بتمن، لكن اللي بيخليكي تكملي هو الصبر والشغل الكتير. شوفت حاجات متتخيليش إنك تشوفيها، وعدّيت بلحظات مرة وجميلة، لكن كلها قوّتني مش ضعّفتني.
