رد تامر حسني على الكلام الأخير للفنان أحمد آدم، والذي انتقده فيه بطريقة غير مباشرة ضمن برنامجه التلفزيوني.
وقال تامر: “أستاذ أحمد آدم فعلا بيدي درس حقيقي بيشرح فيه سمات العصر الحالي اللي كلمة تريند، فيه جننت عقول بعض الناس وخليتهم يبيعوا مبادئهم وصداقتهم وأمانتهم لمجرد أن الناس تعرفهم أو تتكلم عليهم ولو ليوم واحد، ونسيوا أنه لا يصح إلا الصحيح عشان ده عدل ربنا، وأي أفاقين مع الوقت هتلاقيهم بيختفوا والمحترم الحقيقي هو اللي بيستمر”.
وأضاف: “أصل لما نهتم ونرد على كل كداب، أمال اللي بيحبونا نعمل معاهم إيه !!!!؟”.
واستكمل: “تابعوا قلوب الناس والمواقع اللي هتاخد كلام الأستاذ أحمد السلبي وينشروه، وعلموا عليهم عشان تعرفوا حقيقتهم… والحقيقة أن فعلاً الكلام السلبي هو اللي انتشر، شكرا أستاذ احمد آدم لكلامك وإشادتك الحقيقية في حقي، هي شهادة عظيمة من فنان محترم وكبير بفنه وأخلاقه”.
